Суусамыр-Талас-Тараз жолунда оор жүк ташуучу унаа оодарылып кетти. Бул тууралуу ӨКМнын басма сөз кызматы билдирди.
Маалыматка ылайык, кырсык 6-апрелде, болжол менен саат 05:00 чамасында Суусамыр-Талас-Тараз унаа жолунун 110-чакырымында катталган. «Howo» үлгүсүндөгү оор жүк ташуучу унаанын айдоочусу рулду башкара албай жолдон чыгып, унаа оодарылып кеткен.
Куткаруучулар унаанын ичинде кыпчылып калган 1991-жылы туулган Э.Ж.И. аттуу айдоочуну чыгарышып, тез жардам кызматкерлерине өткөрүп беришкен.
