Саясатчы Бектур Асанов тергөө абагына которулду. Бул тууралуу «24.kg» агенттиги Жаза аткаруу кызматынан билдиришти.
Алардын маалыматында, мамлекеттик төңкөрүш жасоо аракети менен соттолгондор УКМКнын төрагасы Абдил Сегизбаевдин отставкасын талап кылып, 20 күндөн ашык кармаган ачкачылыкты токтотуп, жаза өтөө жайларына которулуп баштады.
Кубанычбек Кадыров № 27 абакка жеткирилди. Эрнист Карыбеков менен Бектур Асанов азырынча тергөө абагында.
Эскерте кетсек, «Эл үнү» коомдук уюмунун мүчөлөрү мамлекеттик төңкөрүш жасоо айыбы менен кармалган. Алардын ичинен Дастан Сарыгулов сот залынан бошотулуп, Эрнест Карыбеков 20 жылга, Бектур Асанов менен Кубанычбек Кадыров 12 жылга эркинен ажыратылган.
