Hoster.kg компаниясы ызгаар күндөрү тышта жүрүп тоңуп калгандарды Бишкек шаарынын ар кайсы райондорунда жайгашкан кеңселерине жылынууга чакырат. Бул тууралуу компания Facebook баракчасына билдирүү жазды.
«Эгер сиз суукка тоңуп калсаңыз, бизге конокко келиңиз. Сизге ысык чай, же кофе куюп беришет» — деп чакырышат.
Компаниянын кеңселери Ахунбаев/Абай, Киев/ Мир проспекти, Горький/Байтик Баатыр көчөлөрүндө жайгашкан.
Эскерте кетсек, Өзгөчө кырдаалдар министрлиги өлкөнүн айрым аймактарында 26-январдан тарта аба-ырайы −40 градуска чейин түшөрүн эскерткен. Бишкек шаарда −20 градус ызгаар күтүлөт.
