17:12
USD 73.77
EUR 82.01
RUB 1.04

Мурдакы коргоо министри генералдык наамынан айрылды

Мурдакы коргоо министри Таалайбек Өмүралиев генерал-майор наамынан айрылды. Бул тууралуу «24.kg» агенттигине өз маалымат булактарынан белгилүү болду.

Биринчи май райондук соту Таалайбек Өмүралиевге каршы козголгон иш боюнча аны айыптуу деп таап, 5 миллион сом айып пул салып, наамын кайтарып алды.

Эскерте кетсек, мурдакы коргоо министрине аскер кызматкерлерине 2014-жылы «Жал» кичирайонундагы батирлерди туура эмес бөлүштүргөнү үчүн иш козголгон. Таалайбек Өмүралиев менен бирге дагы 10 кишиге «кызмат абалына кыянаттык», «шалаакылык» беренеси менен айып тагылган.

Таалайбек Өмүралиев 2011-2014-жылдары Коргоо министрлигин жетектеген.