13:42
+12
USD 69.75
EUR 82.62
RUB 1.19
Кыргызча

Кыргыз бажычылары казак өкмөт башчысын айыпташты

Казакстан импорт боюнча туура эмес маалымат берүүдө. Бул тууралуу Жогорку Кеңештин профилдик комитетинин жыйынында Бажы кызматынын төрагасы Азамат Сулайманов билдирди. 

Анын айтымында, Казакстандын премьер-министри Бакытжан Сагинтаев Кытайдын маалыматтарына таянууда. 

«Бирок, Кытай менен Кыргызстандын бажы төлөмдөрү ар башка. Бирдей статистика жок. Биз ЕАЭБке киргенге чейин кытай импортунун көлөмү бир топко жогору эле. Андан тышкары, контранбанда деп айтуу да туура эмес. Анткени товарлардын баары катталат. Бирок, наркы туура эмес көрсөтүлөт», — деп түшүндүрдү Азамат Сулайманов. 

Эскерте кетсек, Бакитжан Сагинтаев Арменияда өткөн ЕАЭБтин жыйынында Кыргызстанда контранба жолу менен өткөн кытай импорту Казакстандын бюджетин оор жоготууларга алып келип жатканын айткан. 

Эң көп окулган жаңылыктар