Эсептөө палатасынын мурдакы төрайымы Элмира Ибраимова Темир Сариевдин командасынан кетип жаткандыгын билдирди. Бул тууралуу ал Facebook баракчасында кабарлады.
Анын айтымында, президенттик талапкер менен көз-карашында ажырым пайда болгон.
«Темир Аргенбаевич менен өлкөнүн келечеги, өнүгүү боюнча көз-караштарыбыз бир болгондуктан колдогонмун. Мен демократиялык коомго, укуктук балуулуктарга жана экономиканын тынымсыз өнүгүүсүнө багытты толук колдойм. Бирок, бүгүн биздин көз-караштарыбыз толугу менен айырмаланат. Мен саясый кырдаалга карата идеологиялык позицияны өзгөртүү туура эмес деп эсептейм»
Элмира Ибраимова
Темир Сариевдин штабы маалыматты ырастап, Элмира Ибраимованын ордуна А. Эргешов штабты жетектерин билдирди.
