Аксыдагы күйдүргү жарасынын очогу көмүлгөн жер бекемделди. Бул тууралуу Өзгөчө кырдаалдар министрлиги кабарлайт.
Маалыматында, Аксы районунун Бүркүт аймагындагы күйдүргүнүн очогу көмүлгөн жерге жакын дарыя жээгинин 50 метри таштар менен бекемделди.
«Бирок, коркунуч такыр жок деп айта албайбыз. Суунун-деңгээлине көзөмөл салып туруу керек» — дейт ӨКМдин Жалал-Абад облусу боюнча башкармалыгынын жетекчисинин милдетин аткаруучу Абдишарип Бекилов.
Анын айтымында, күйдүргү жарасынын очогу айыл өкмөтүнө караштуу. Андыктан, мыйзамга ылайык жергиликтүү бийлик органдары мындай жайларды коргоо, бекемдөө иштерин жүргүзүшү керек.
ӨКМдин
билдирүүсүндө, күйдүргү жарасынын очогу көмүлгөн жерлер жылына эки жолу текшерилет.Эскерте кетсек, Авлетим дарыясы жээктен ашып, жугуштуу жара көмүлгөн жерди алып кетүү коркунучу жаралган.
