Өзгөчө кырдаалдар министрлигинин куткаруучулары өз өмүрүнө кол салууга аракет кылган 26 жаштагы жаранды куткарды. Бул тууралуу мекемеден билдиришти.
Маалыматка караганда, 5-апрелде саат 07:30 чамасында Бишкектин Түгөлбай Ата көчөсүндө жайгашкан үйдө жашаган эркек өз өмүрүнө кол салууга аракет жасап жатканы кабарланган.
Куткаруучулар жаран менен сүйлөшүү жүргүзгөн соң бекилген эшикти ачтырышкан. Ошол эле учурда ага биринчи жардам көрсөтүлүп, тийиштүү кызматка өткөрүп берилди.
