Бишкекте № 62 жаңы электр автобус каттамы 3-марттан тарта иштей баштайт. Ал Аламедин-1 кичи районунан Киркомстром аялдамасына чейин жүрөт.
Мэриянын басма сөз кызматынын маалыматы боюнча, жаңы маршрут Алыкулов, Лев Толстой жана Ауэзов көчөлөрү боюнча өтөт.
Ал шаардын транспорт системасын оптималдаштыруу программасынын алкагында ишке ашырылууда.
Фото Бишкек шаардык мэриясынын басма сөз кызматы
Баш калаадагы автобус каттамдары этап-этабы менен жаңыртылаарын белгилей кетүү керек. Бул борбордук Бишкектеги жол тыгынын азайтуу үчүн жасалууда. Келечекте каттамдар өзгөргөндө, көпчүлүк автобустар альтернативдүү көчөлөрдү колдонушат.
