Уюшкан кылмыштуу топтун мурдагы мүчөсү чөнтөк уурулукка шектелип кармалды

Милиция кызматкерлери коомдук транспортто чөнтөк уурулук кылган шектүүнү кармашты. Бул тууралуу 24.kg агенттигине Чүй облустук ички иштер башкы башкармалыгынын басма сөз кызматы билдирди.

Үстүбүздөгү жылдын 31-мартында Сокулук РИИБге No302-маршруттук таксиден айфон 14 үлгүсүндөгү телефон уурдалгандыгы тууралуу маалымат түшүп, КРнын Кылмыш-жаза кодексинин «Уурдоо» беренеси боюнча иш козголгон. Ушундай эле арыз менен дагы бир жаран кайрылган. Анын айтымында, анын iPhone 15 Pro Max телефонун кичи автобуста уурдап кетишкен.

Шектүү «Мал ууру» рейдинин жүрүшүндө аныкталган. Анда мурда бир нече жолу соттолгон, уюшкан кылмыштуу топтун мүчөсү катары каттоодо турган 32 жаштагы Р.А. Ал убактылуу кармоочу жайга киргизилген. Укук коргоо кызматкерлери анын башка ушул сыяктуу кылмыштарга катыштыгын аныктоодо.