2025-жылдын биринчи кварталында Кыргызстандын ИДПсы 13,1 пайызга өстү. Бул тууралуу Улуттук статистикалык комитеттин башчысы Бактыбек Кудайбергенов маалымат жыйынында билдирди.
Анын айтымында, январь-март айларында ички дүң продукциянын көлөмү 329,1 миллиард сомду түзүп, өткөн жылдын ушул мезгилине салыштырмалуу 13,1 пайызга өскөн.
Кызмат көрсөтүү тармагы 51 пайызды, товардык өндүрүш тармактары 31,5 пайызды, продукцияга салык 17,5 пайызды түздү.
