Кыргызстанда жалпы республикалык тестирлөөгө 43 миңге жакын адам катталды. Бул тууралуу 24.kg агенттигине Билим берүүнү жана окутуунун усулдарын баалоо борбору билдирди.
Билим берүүнү жана окутуунун усулдарын баалоо борбору каттоо 4-апрелде аяктай турганын эскертти.
Кошумча каттоо адатта тестирлөөгө бир күн калганда жүргүзүлөт. Бирок кепилденген орунга ээ болуу жана ЖРТнын убактысы жана орду тууралуу өз убагында билдирүү алуу үчүн уюштуруучулар каттоону акыркы мүнөткө чейин калтырбоого кеңеш беришет.
2012-жылдан баштап жалпы республикалык тестирлөө менчигинин түрүнө карабастан республиканын бардык ЖОЖдоруна кабыл алуу үчүн милдеттүү болуп калды. Гранттык же контракттык окууга тапшырууну каалагандар негизги тесттен жана мамлекеттик тил боюнча тесттен өтүшү керек.
