Чүй облусунда браконьерликке каршы чаралар күчөтүлдү. Бул тууралуу Жаратылыш ресурстар министрлигинин басма сөз кызматы билдирди.
Маалыматка ылайык, соңку төрт күндүк майрам күнүндө, 7-ноябрдан 10-ноябрга чейин облуста 11 аңчылык эрежесин бузуу фактысы катталган.
«Жалпы айып пулдун суммасы 116 миң сомду түзсө, келтирилген зыян 52 миң сомду түздү, анын ичинде 10 кыргоол жана 1 кекилик мыйзамсыз кармалган», — деп билдирди башкармалык.
Жайыл районунун Бухта капчыгайында жапайы каманга мыйзамсыз аңчылык кылуу фактысы аныкталып, браконьерлерден жаныбардын өлүгү жана эти менен табылган. Иштин материалдары кошумча иликтөө үчүн укук коргоо органдарына өткөрүлүп берилди.
Жаратылыш ресурстары министрлиги бул көрсөткүчтөр мындан да көп болушу мүмкүн экенин, анткени мыйзам бузуу фактыларынын баары аныктала электигин кошумчалады. Андыктан, браконьерлердин көбөйүп баратканын эске алып, башкармалык облуста жаратылышты коргоо боюнча иш-чараларды күчөтүүдө.
