Бишкекте чет элдик жарандардын ортосунда массалык мушташ чыкты. Бул тууралуу видео социалдык тармактарга тарап кеткен.
Кадрда бир нече чет элдиктер мушташып, алардын бири жерге кулап, таяк тийгенин көрүүгө болот. Жергиликтүү тургун чогулгандарды таратып жатат.
3-ноябрь күнү эртең менен борбор калаанын Свердлов районунда чет элдик жарандардын ортосунда мушташ чыкканын Свердлов райондук ички иштер башкармалыгынын басма сөз кызматы билдирди. 102 ыкчам номерине болжол менен саат 4.50дө билдирүү келип түшкөн. Милицияга 23 жаштагы эки чет элдик жаран жеткирилип, алардын бири экинчисине каршы арыз жазган.
Укук коргоо кызматкерлери бардык керектүү экспертизаларды дайындашкан. Учурда тергөө иштери уланууда.
