«Дордой» (өлчөмү 6,42 га) жана «Орто-Сай» (өлчөмү 1,68 га) базарларында жайгашкан «Оберон» ЖЧКсы тарабынан жер тилкелерин мыйзамсыз ээлеп алуу фактысы боюнча кылмыш иши козголду. Бул тууралуу Улуттук коопсуздук боюнча мамлекеттик комитеттин басма сөз борбору билдирди.
Маалыматка ылайык, 1998-жылы базар ээлери жер тилкелерин убактылуу пайдаланууга (ижарага) алышкан.
Ошого карабастан «Оберон» ЖЧКсы тийиштүү кызмат адамдары менен сүйлөшүп, жогоруда аталган базарларга жеке менчик укугу жөнүндө мамлекеттик актыларды мыйзамсыз алышкан», — деп жазылат маалыматта.
Кылмыш ишинин алкагында Бишкек шаарынын мэриясынын муниципалдык мүлктү башкаруу департаменти тарабынан мыйзамсыз берилген токтомдорду жараксыз деп табуу үчүн административдик доо жөнөтүлгөн.
Бишкек шаарынын административдик жана шаардык сотунун чечими менен базарлар мэриянын муниципалдык менчигине өттү. Жалпы аянты 8,1 гектарды түзгөн 3 миллиард 889 миллион 563 сомдук жер тилкелери мамлекетке кайтарылды. Келечекте бул базарлардан түшкөн киреше шаардык бюджетке түшөт.
Учурда УКМК тарабынан бул кылмышты жасоого башка кызмат адамдарынын катыштыгы бар экендигин аныктоо боюнча чаралар көрүлүп жатат.
