Жогорку Кеңештин мурдагы депутаты Шайлообек Атазов Бангкокто өтүп жаткан муай-тай боюнча турнирге катышууда. Бул тууралуу IBF Muaythai сайтында маалымдалды.
45 жаштагы Шайлообек Атазовдун башкы атаандашы болуп Таиланддын өкүлү Чиангкван Паномтед болмокчу.
Муай-Тай боюнча Дүйнө чемпиону куру үчүн таймаш бүгүн, 29-августта Бишкек убактысы боюнча саат 16:00дө болот. Турнир өзү муай-тай боюнча эл аралык бокс федерациясынын колдоосу астында өтүп жатат.
