Ысык-Көлдө селдин кесепеттерин жоюуга 120 кызматкер тартылды. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, учурда куткаруучулары тарабынан 25 турак жай тазаланып бүттү. Ысык-Көл районуна селдин кесепеттерин жоюу иштерин жүргүзүүгө ƟКМден 60 куткаруучу, 3 мотопомпа, мындан сырткары Коргоо министрлигинин аскер бөлүгүнөн 20 аскер кызматкер, Ысык-Көл районунун Жарандык коргонуу кызматтарынан 30 кызматкер, мэриядан 1 экскаватор, 1 жүктөгүч, Суу чарба башкармалыгынан 1 экскаватор, 2 жүктөгүч, жеке менчик 2 самосвал, 2 Хово тартылган.
Кечээ, Ысык-Көл облусунун бир катар аймагында сел жүргөн. Жалпысынан болжол менен 16 турак үйдү суу каптап , 1 ички чарбалык көпүрөнү агызган.
Ысык-Көл облустук башкармалыгы жана Президенттин облустагы ыйгарым укуктуу өкүлү жеринде көзөмөлдөө иштерин жүргүзүп жатат.
