Кыргызстандык ММА мушкери Марсель Нурланбек уулу Instagram баракчасына тапанча алып чыгып, аны жүктөп, атып жаткан видеосун жарыялаган.
Видео кайсы жерде жана качан тартылганы белгисиз. Спортчу азыр Орусияда. КР Ички иштер министрлиги видеону изилдей турганын билдирди. Ал арада спортчу видеону баракчасынан өчүрүп салган.
Ошол эле маалда интернетте россиялык ОМОНдун формасына окшош атайын кийим кийген адамдар Марсель Нурланбек уулу менен дагы эки кишини кармап жатканы тууралуу видео пайда болгон. Алар жерге жаткырып, форма кийген адамдар колдорун толгоп жатканын көрүүгө болот.
