Кыргызстанда жаратылыш ресурстары министринин милдетин аткаруучу дайындалды
10:38, 02 июля 2024, Бишкек - 24.kg
Азис Сапаралиев Кыргыз Республикасынын Жаратылыш ресурстар, экология жана техникалык көзөмөл министринин милдетин аткаруучу болуп дайындалды. Бул тууралуу президенттин маалымат кызматы билдирди.
Жарлыкка Садыр Жапаров кол койду.
Жаратылыш ресурстар, экология жана техникалык көзөмөл министри кызматына дайындоо үчүн Азис Сапаралиевдин талапкерлиги Жогорку Кеңештин бекитүүсүнө киргизилди.
Эске салсак, Мелис Тургунбаев бул кызматтан өткөн аптада бошотулган. Ал Улуттук банкты жетектеген.
