Европанын футбол ассоциацияларынын биримдиги (УЕФА) 2024-жылкы Европа чемпионатында иштей турган калыстардын тизмесин жарыялады. Ага Орусиядан калыстар чакырылбай калган.
«Чемпионат» басылмасынын маалыматтарына караганда Еврофутбол оюндарына катыша турган жалпысынан 18 калыс чакыруу алган, алардын арасында орусиялыктар жок.
Эске сала кетсек, Европа чемпионаты 2024-жылдын 14-июнунан 14-июлуна чейин Германиянын 10 стадионунда өтөт. Акыркы жолу өлкөдө 2006-жылы ири футбол турнири Дүйнөлүк чемпионат өткөн.
