Эртең, 17-майда борбор калаанын айрым райондорунда муздак суу болбойт. Бул тууралуу мэриянын басма сөз кызматы билдирди.
Маалыматка ылайык, шаардык суу түтүк тармактарында оңдоо иштери жүргүзүлөт.
Суу саат 9:00дөн 00:00гө чейин төмөнкү аймактарда өчүрүлөт:
- Аламүдүн суусу — темир жол тилкеси — 7-апрель — Салиева көчөлөрү;
- Фрунзе — Курманжан Датка — Шабдан Баатыр — Лермонтов көчөлөрү;
- Лермонтов көчөсүнүн батыш тарабы Шабдан Баатыр проспектисинен тартып Жибек-Жолу проспектисине чейинки бөлүгү.
«Бишкексууканал» келтирилген ыңгайсыздыктар үчүн кечирим сурайт жана сууну эртелеп камдап алууну суранат.
