08:41
USD 88.21
EUR 95.66
RUB 0.97

Таласта бюджеттик каражаттарды уурдоо фактысы аныкталып, кылмыш иши козголду

Талас шаарынын коммуналдык кызмат көрсөтүү боюнча муниципалдык ишканасында материалдык каражаттарды негизсиз эсептен чыгаруу аркылуу акча каражаттарын уурдоо боюнча коррупциялык схема аныкталды. Бул тууралуу УКМКнын басма сөз кызматы билдирди.

Маалыматка ылайык, аталган муниципалдык ишкананын жооптуу жетекчилерине жана кызматкерлерине кызматтык абалынан кыянаттык менен пайдалануу фактысы боюнча кылмыш иши козголду.

Аудитордук текшерүүнүн алдын ала жыйынтыгы боюнча, мамлекеттин кызыкчылыгына 6 миллион сомдон ашуун зыян келтирилген.

Учурда бул иштин бардык жагдайларын, ошондой эле коррупциялык схемага тиешеси бар башка адамдарды аныктоо боюнча тергөө-ыкчам иш-чаралар жүргүзүлүүдө.

Эң көп окулган жаңылыктар
17-май, жума