14:05
USD 88.21
EUR 95.66
RUB 0.97

Пакистан менен Бангладештен келген ондогон мигранттар депортацияланат

Бишкекте өлкөнүн миграциялык мыйзамдарын бузган чет элдиктер аныкталды. Бул тууралуу УКМКнын басма сөз кызматы билдирди.

Ыкчам-иликтөө иш-чараларынын жүрүшүндө убактылуу жашаган жерлеринде Пакистан жана Бангладештен келген 130дан ашык жаран аныкталды. Алардын ичинен 64 адамдын визасынын мөөнөтү өтүп кеткен жана каттоосу жок жүрүшкөн.

Аталган чет элдик жарандар өлкөгө коомдук тамактануу, жеткирүү кызматтары, курулуш жана кийим тигүү тармагында ишке орношуу максатында мыйзамдуу түрдө келишкен. Бирок алардын көбүнүн тиешелүү квалификациясы жок болгондуктан жана айлык акынын аздыгынан көйгөй жаралган.

УКМКнын басма сөз кызматы
Фото УКМКнын басма сөз кызматы

Мындан улам, УКМК жана Ички иштер министрлиги тарабынан аларга айып пул салынып, административдик протоколдор түзүлдү. Чет элдиктер жарандар келген өлкөлөрүнө депортацияланат.

Эң көп окулган жаңылыктар
17-май, жума