2024-жылдын биринчи кварталынын жыйынтыгы боюнча Кыргызстандын ички дүң продукциясы 248 миллиард сомду түздү. Бул тууралуу Жогорку Кеңештин жыйынында министрлер кабинетинин төрагасы Акылбек Жапаров билдирди.
Анын айтымында, өсүү темпи 8,2 пайызды түздү. 2021-жылга салыштырмалуу ИДПнын номиналдык көлөмү эки эсеге көбөйдү.
2021-жылдын январь — март айларында ИДП 118 миллиард сомду, 2022-жылы 146 миллиард сомду, 2023-жылы 184 миллиард сомду түздү.
«Өзүңүздөр билесиздер, коронавирус пандемиясы учурунда эң кыйын учурлар биринчи кварталга туура келчи. Аткени каражаттын жоктугунан иштер убактысында башталбай көрсөткүчтөр төмөн болуп турган», — деди Акылбек Жапаров.
