Кадамжай районунун Жеңиш айылындагы «Халмион» базарында өрт чыкты. Бул тууралуу Өзгөчө кырдаалдар министрлиги билдирди.
Маалыматка ылайык, базарындагы контейнерден өрт чыккандыгы тууралуу маалымат түшкөн.
Тилсиз жоо жалпы аянты 2 миң 380 чарчы метр аянтты камтыган. Өрттү өчүрүүгө жалпы үч күжүрмөн эсеп тартылды. Кырсыктын келип чыгуу себеби жана материалдык чыгымдар такталууда. Жабыркагандар жок.
ӨКМдин маалыматы боюнча, өткөн сутка ичинде Кыргызстандын аймагында жалпысынан 12 өрт кырсыгы катталды.
