Кыргызстандын Эмгек, социалдык камсыздоо жана миграция министрлигинин Москвадагы өкүлчүлүгүнүн жетекчиси Жаркынай Галиева «Крокус Сити Холлдогу» кол салууда көрсөткөн эрдиги үчүн Кыргызстандын жарандарына ардак грамоталарын тапшырды. Бул тууралуу мекеменин басма сөз кызматы билдирди.
Сыйлык менен сыйлангандар:
- Ислам Бактиярович Халилов;
- Рустам Бактыбекович Бактыбеков;
- Белек Курманбекович Каныбеков.
Мекеме алар концерттик залында болгон терактта жүздөгөн адамдардын өмүрүн сактап калууда эрдик, кайратмандык жана каармандык көрсөтүшкөнүн белгиледи. Өкүлчүлүктүн жетекчиси министр Гүлнара Баатырованын атынан жаштарга, ошондой эле алардын ата-энелерине баатыр жана жан аябас уулдарды тарбиялаганы үчүн ыраазычылык билдирди.
«Ислам Халиловдун, Рустам Бактыбековдун жана Белек Каныбековдун эрдиги, чыныгы эр жүрөк жана татыктуу муун өсүп келе жатканын ырастайт», — деп белгиледи ал.
