Кыргызстан ЕАЭБге кошулуунун алкагында өткөрүү пункттарын модернизациялоону аяктады. Бул тууралуу Евразия экономикалык комиссиясынын сайтында кабарланды.
Евразия экономикалык комиссиясынын бажы кызматташтыгы боюнча министри Эльдар Алишеров эксперттер тобу менен Кыргызстанга келип, кыргыз-тажик чек арасындагы жаңыланган «Кызыл-Бел» өткөрүү пунктуна барды.
Эксперттер «Кызыл-Бел» өткөрмө бекетиндеги жаңылоо жана материалдык-техникалык жабдуу иштери ЕАЭБдин талаптарына ылайык аткарылгандыгын тастыкташты. Өткөрүү пунктун заманбап жабдуулар жана техникалык каражаттар комплекси менен жабдуу транзиттик потенциалды өнүктүрүүгө жардам берет жана бажы контролунун талаптагыдай деңгээлин камсыз кылат.
