01:33
USD 87.86
EUR 93.94
RUB 1.00

Кыргыз киносунун ардагери Муса Абдиев каза болду

Кечээ кыргыз киносунун ардагери, Кыргыз Республикасынын эл сүрөтчүсү Муса Абдиев каза болду. Бул тууралуу Кинематографияны өнүктүрүү фондунун сайтында кабарланды.

Коштошуу 9-январда болот.

Муса Абдиев 1934-жылы 23-февралда төрөлгөн. «Кыргызфильм» киностудиясында 1959-жылдан бери иштеп келген. Костюм боюнча сүрөтчү, ассистент жана коюучу-декоратор, сүрөтчү-коюучу болгон.

Андрей Кончаловскийдин «Биринчи мугалим», Төлөмүш Океевдин «Ак илбирстин тукуму», ошондой эле Геннадий Базаровдун бир нече тасмаларын тартууга катышкан. «Чыңгыз хан» (АКШ/Италия), «Жамбыл» (Казакстан) жана башка тасмалардын сүрөтчү-коюучусу болгон.

open.kg
Фото open.kg. Муса Абдиев

24.kg Муса Абдиевдин туугандарына жана жакындарына көңүл айтат.

Эң көп окулган жаңылыктар