Жыл башынан 30-октябрга чейин Кыргызстанда доллардын расмий курсу 4,25 пайызга жогорулап, 89,32 сомду түздү. Бул тууралуу бүгүн маалымат жыйынында Улуттук банктын расмий өкүлү Аида Карабаева билдирди.
Анын айтымында, курстун кескин өйдө-ылдый болуусун жоюу үчүн Улуттук банк доллар сатуу боюнча 655,7 миллион долларга 14 интервенция жасады.
«Азыр банк секторунда накталай жана накталай эмес валюта жетиштүү. Валюта рыногунда абал салыштырмалуу туруктуу бойдон калууда», — деди Аида Карабаева.
