1-ноябрдан тарта Бишкекте коомдук транспорттордо жол кирени накталай төлөөгө болот. Бул тууралуу 24.kg агенттигине вице-мэрдин милдетин аткаруучу Максатбек Сазыкулов билдирди.
Ал белгилегендей, кеп коомдук талкууга коюлган дифференцияланган тариф жөнүндө эмес, бир жолку билет жөнүндө болуп жатат.
«Бул жүргүнчүлөрдү ташуу эрежелерин бузуу менен накталай төлөгүсү келген жарандар үчүн киргизилген бир жолку билет. Алар үчүн жол кире 25 сом болот. Накталай эмес төлөм менен 11 сом төлөшөт. Бул шаардыктарды накталай эмес системага өтүүгө шыктандыруу чарасы», — деди Максатбек Сазыкулов.
Ал жол киресин накталай төлөгөн жүргүнчүлөргө билет берилерин кошумчалады.
