«Ата-Журт Кыргызстан» фракциясынын жыйынында Саламаттык сактоо министри Алымкадыр Бейшеналиев өнөктөштүк төрөт токтогулганын билдирди.
Жыйында депутат Надира Нарматова эркектерди төрөткө киргизбөө керектигин айтты.
«Бул протоколду алып салыш керек жана эркектердин төрөткө катышуусуна тыюу салыш керек. Мындан улам кесарево дагы көбөйүүдө», — деп нааразы болду ал.
Министр эски системага кайтып келишкенин жана өнөктөштүк төрөт токтотулганын айтты.
Ал эми өнөктөштүк төрөттөр жоюлган эместигин, COVID-19 пандемиясынан кийин убактылуу гана токтотулганын 24.kg агенттигине Саламаттык сактоо министрлигинен билдиришти.
Адистердин айтымында, бул эпидемиологиялык кырдаалга байланыштуу.
«Бизде бирде коронавирус, бирде сасык тумоо, кызамык оорулары чыгып жатат. Процесс кайсы мезгилге чейин токтотулгандыгы боюнча так убакыт жок. Бирок жеке төрөт үйлөрүндө өнөктөштүк төрөттөр кээде болот», — деп билдиришти мекемеден.
