Эл аралык республикалык институту жүргүзгөн сурамжылоого катышкандардын 12 пайызы аялдардын саясатта иштей алышарын билдиришкен.
Сурамжылоо 2023-жылдын 5-25-майында жүргүзүлгөн. Ага 18 жаштан жогору 1 миң 492 кыргызстандык катышкан.
Сурамжылоого катышкандардын көпчүлүгү (63 пайыз) айымдардын билим берүү тармагында ишмердигин колдойт. Ал эми алардын 58 пайызы аялдар үй кожойкесинин ролунда көрөт. Ошондой эле, 56 пайызы алардын саламаттык сактоо тармагында ийгиликтүү иштей алышын белгилейт.
Респонденттердин 7 пайызы айымдар үчүн жарандык сектор жана коммерциялык эмес көз карандысыз уюмдарды ылайыктуу деп белгилешсе, 6 пайызы дипломатия жана эл аралык мамилелер тармагын көрсөткөн. Ошондой эле, 18 пайызы айымдарды бизнес кылышы керек деп эсептейт.
