10:00
USD 86.45
EUR 92.47
RUB 1.00

Ат-Башыда бир жашар бала кызамыкка каршы эмдөөдөн кийин каза тапты

Ат-Башынын Кара-Суу айылында бир жашар бала кызамыкка каршы эмдөөдөн кийин каза тапты. Бул тууралуу анын апасынын билдирүүсү соцтармакка жарыяланды.

Анын айтымында, 25-апрель күнү баласы эмдөөдөн өткөн. Бирок, айылдык дарыгер баланы алдын-ала текшерген эмес.

«Баламдын температурасы көтөрүлүп, эртеси райондук больницага жаткырылды. Дартын аныктай албай, антибиотик сайып, дарыларды улам алмаштыра беришти. Төртүнчү күнү балам эме албай, шилекейин жута албай калганда Нарынга жөнөтүштү. Ал жакта комага түшүп калганда Бишкекке келдик. Жалдагы ооруканада төрт күн жатып, көз жумду», — дейт апасы.

Ал президенттен баласынын өлүмүнө күнөөлүү дарыгерлерди жоопко тартууну өтүнөт.

Эң көп окулган жаңылыктар