Бишкекте таштандыны кайра иштетүүчү заводду курууну ушул жылдын октябрында баштоо пландалууда. Завод катуу коммуналдык калдыктардын 60%га чейинкисин кайра иштетүүгө мүмкүндүк берет. Бул тууралуу маалымат жыйынында Бишкек шаарын өнүктүрүү агенттигинин директору Курманбек Молдокулов билдирди.
Бул таштандыны кайра иштетүү боюнча масштабдуу долбоорду Чехиянын HDT Impex компаниясы колго алды. Ал курулуш менен гана алектенбестен, Кыргызстандын борборунда таштандыга каршы кампания жүргүзүүнү колго алууну пландоодо.
HDT Impex компаниясынын ээси жана жетекчиси Ярослав Вебр кошумчалагандай, учурда техникалык-экономикалык негиздеме иштелип жатат, бирок жол картасына ылайык, заводдун курулуш аянтына капсула салуу ушул жылдын октябрь айына пландаштырылган. Объект эки жылдын ичинде полигондун жанына курулууга тийиш.
Чехиянын Кыргызстандагы ардактуу консулу Марат Жаанбаев кошумчалагандай, чехиялык компания курулуш менен гана алектенбестен, таштанды таштоочу жайдагы өрттү да өчүрөт.
Жаанбаевдин айтымында, завод бардык заманбап стандарттарга ылайык курулат. Заводдо кабыл алуучу бөлүм жана иргөө бөлүмү түзүлүшү керек.
Экинчи этапта катуу коммуналдык таштандыларды кайра иштетүү менен ЭкоТехнопарк түзүлөт. Төмөнкүлөр үчүн адистештирилген линияларды түзүү пландаштырылууда:
RDF кайра иштетүү (калдыктардан кургак отун);
полимердүү кум-чопо буюмдарын өндүрүү;
пластикалык грануляция;
колдонулган дөңгөлөктөрдү кайра иштетүү.
