Өзбекстандын чек арачылары Ала-Буканын тургунун кармап кетишти. Бул тууралуу бүгүн Жалал-Абад облусунун тургундарынын аймак жетекчиси Абсаттар Сыргабаев менен жолугушуусу учурунда айтылганын «Турмуш» басылмасы жарыялады.
Маалыматка караганда, 10-апрель күнү Көк-Таш айылынын тургунун мал жайып жүргөн жеринен алып кетишкен.
Жыйынга катышып жаткан Чек ара кызматынын өкүлү маалыматты ырастап, сүйлөшүү жүрүп жатканын белгиледи.
