14:06
USD 86.45
EUR 92.47
RUB 1.00

Бишкектин мурдакы вице-мэри Рыспек Сарпашев кармалды

Бишкектин мурдакы вице-мэри, «Тазалык» ишканасынын мурдакы директору Рыспек Сарпашев кармалды. Бул тууралуу УКМК билдирди.

Маалыматка караганда, ага каршы ишенип берилген мүлктү өзүнө ыйгарып алуу жана ошондй эле кызмат абалынан кыянаттык менен пайдалануу фактысы боюнча кылмыш иши козголгон.

Рыспек Сарпашев 2017-2018-жылдары «Тазалык» муниципалдык ишканасына тиешелүү иштебеген жана жетишсиз болгон атайын автотетиктерди (таштанды ташуучу унаалар, самосвалдар, жүк ташуучу унаалар) жана куйуучу-майлоочу материалдарды негизсиз эсептен чыгарып салган.

УКМКнын айтымында, ал тетиктер жана күйүүчү-майлоочу майлар сатылып, түшкөн каражатты аткаминерлер бөлүп алышкан. Аны менен Бишкек шаарынын мэриясына караштуу «Тазалык» МИнин бюджетине 5 миллион сомдон ашык суммада зыян келтирилген.

Эң көп окулган жаңылыктар