Өлкөдө бир жылда ымыркайлардын 19 пайызынын ата-энесинин расмий никеси жок. Бул тууралуу Улуттук статистикалык комитет маалымдайт.
Мекеме акыркы жылдары мусульмандардын салтына ылайык никелешеүү кеңири жайылып кеткендигин белгилейт.
«Ошондуктан юридикалык никеге турбай төрөлгөн балдардын жарым-жартылай бөлүгүнүн иш жүзүндө атасы да энеси да бар. Муну менен бирге, жаңы төрөлгөн ымыркайлардын санынан 50 пайызы ата-энесинин биргелешкен арызы боюнча, ал эми 50 пайызы — энелеринин гана арызы менен катталган, мындай балдар үй-бүлөдө атасыз тарбияланышат», — дейт Статком.
