17:32
USD 84.79
EUR 100.79
RUB 1.10

Аксыда төрөгөн жетинчи класстын окуучусу менен катнашта болгон шектүү кармалды

Аксы районунда төрөгөн жетинчи класстын окуучусу менен жыныстык катнашта болгон шектүү кармалды. Бул тууралуу Жалал-Абад облустук Ички иштер башкармалыгы билдирди.

Маалыматка караганда, шектүү убактылуу кармоочу жайга киргизилди.

«Буга чейин милиция «Зордуктоо» беренеси менен иш козгогон. Кылмышка шектелип, 17-жашар А.К. аттуу район тургуну кармалды», — дейт милиция.

1-апрель күнү Аксы районунда 7-класстын окуучусу төрөгөнү маалым болду. Эне-баланын саламаттыгы жакшы экендиги кабарланды. Окуядан кийин өспүрүм кыз окуган мектептин жетекчилиги кызматтан алынды. Ата-энеси дагы кызынын кош бойлуу экендигин байкаган эмес. Алар кызынын ичи ооругандыктан, сокур ичегиге күмөн санап ооруканага алып келишкен.

Эң көп окулган жаңылыктар