Айбек Осмонов бүгүн Жогорку Кеңештин жыйынында ант берди. Ал «Бир-Бол» партиясынан каза болгон депутат Алмазбек Акматовдун ордуна дайындалды.
Белгилей кетсек, Айбек Осмонов «Мекеним Кыргызстан» партиясын, андан кийин «Ыйман Нуру» партиясын түптөгөн. Бирок, ал учурдагы кысымдардан улам чет өлкөгө чыгып кетип, парламенттик шайлоого катыша алган эмес.
Айрым маалыматтарга караганда, анын партиялары кысым астында тартылып алынган.
Айбек Осмонов курулуш тармагында иш алып барган ири ишкерлердин бири экени маалым.
