17:55
USD 89.51
EUR 96.93
RUB 0.97

Садыр Жапаров Россиянын агартуу министри менен мектеп курууну талкуулады

Садыр Жапаров бүгүн, 15-мартта, Россиянын агартуу министри Сергей Кравцовду кабыл алды. Бул тууралуу президенттин басма сөз кызматы билдирди.

Билим берүү чөйрөсүндөгү кыргыз-орус кызматташтыгынын артыкчылыктуу багыттары жана келечеги тууралуу пикир алмашышты.

Мамлекет башчысы Билим берүү жана илим министрлиги менен Россиянын Агартуу министрлигинин ортосунда мектептерди куруу, ыктыярчы мугалимдер менен камсыз кылуу, Россиянын ЖОЖдорунда мугалимдерди даярдоо, окутуучулардын квалификациясын жогорулатуу жана айрым сабактарды окутуу боюнча тажрыйба алмашуу жөнүндө макулдашууларга жетишилгендигин канааттануу менен белгиледи.

Сергей Кравцов бүгүн билим берүү жана илим министри Алмазбек Бейшеналиев менен кызматташтык жөнүндө биргелешкен протоколго кол коюлганын, ал министрлердин деңгээлиндеги байланышты күчөтүүгө жардам берерин маалымдады.

Россиянын агартуу министри Садыр Жапаровго эл аралык «Артек» балдар борборуна республикалык балдар үчүн 150 орундук сертификат-жолдомосун тапшырды.

Эң көп окулган жаңылыктар