Кыргызстан боюнча бир сутка ичинде 132 бейтаптан СOVID-19 инфекциясы аныкталды. Бул тууралуу республикалык штабдын маалымат жыйынында саламаттыкты сактоо министринин орун басары Нурболот Үсөнбаев билдирди.
Маалым болгондой, коронавирус илдетине чалдыккандардын көбү Бишкек шаарында.
Бишкек шаарын-48, Чүй облусунда – 38, Ош шаарында – 13, Ош облусунда – 12, Жалал-Абад облусунда – 11, Талас облусунда – 4, Нарын облусунда – 6 жаңы учур катталды.
Акыркы сутка ичинде коронавирустан айыккандардын саны 28.
Эске сала кетсек, өлкө боюнча коронавируска чалдыккандардын саны 2 миң 789га жетти.
