01:50
USD 77.80
EUR 87.84
RUB 1.09

Биринчи май райондук сотунда Алмазбек Атамбаевди колдоо митинги өтүп жатат

Бишкек шаардык Биринчи май райондук сотунда Алмазбек Атамбаевди колдоо митинги өтүп жатат. Анда Алмазбек Атамбаевдин тарапташтары чогулган. Алардын ичинде экс-президенттин жубайы Раиса Атамбаева жана уулдары Кадырбек менен Сеид да бар.

Колдоо акциясынын катышуучулары Алмазбек Атамбаевди боштондукка чыгарууну талап кылышууда.

Бир нече саат мурдараак эле экс-президенттин жазалануусун талап кылган митинг болгону маалым.

Кадырбек Атамбаевдин айтымында, колдоо митингине келүүнү каалагандарга коопсуздук кызматкерлери тоскоолдук кылышууда.

Ал эми ӨКМ кызматкерлери атайын микрофон менен митингге топтолгондорду үйлөрүнө кайтууну эскертишүүдө.

Эске сала кетсек, «Мээр жазы» коомдук фондунун негиздөөчүсү Ыргалай Бекмуратова, Алмазбек Атамбаев Кыргызстан карызга батып, жем корлор менен тепселегени үчүн жоопко тартылуусу керек экендигин жарыялаган.

Эң көп окулган жаңылыктар