Коронавирусту аныктоочу тест-системасы жеткиликтүү. Бул тууралуу Жогорку Кеңештин жыйынында Саламаттыкты сактоо министри Космосбек Чолпонбаев маалымдады.
Маалыматка ылайык, Бишкек менен Ошто эки лаборатория иштеп жатат.
«Милдеттүү медициналык камсыздандыруу фонду ооруканалардагы дары-дармектерге бирдиктүү көзөмөл жүргүзөт. Буга чейин фармацевттик компаниялардын башчылары менен жолукканбыз, алар кампаны керектүү каражаттар менен толуктоону сунушташкан. Январь, февраль айларында дары-дармектер келип түшкөн. Тартыштык болбойт. Биз баардык тоскоолдуктарды алып жаңы мүмкүнчүлүктөрдү түздүк. Бизде 6 лаборатория бар, алардын экөө иштеп жатат. Дагы экөө иштөө алдында турат. Аларды бүгүн-эртеңден Жалал-Абадка жеткиребиз. Дүйнөлүк саламаттыкты сактоо уюмунун бир талабы бар, алар аттестациядан өткөрүлөт», — дейт Саламаттыкты сактоо министри Космосбек Чолпонбаев.
Эске сала кетсек, Жала-Абад облусунда кичи ажылыктан келген 3 жарандан коронавирустун симптомдору аныкталган.
