Вице-спикер Аида Касымалиеванын коронавируска карата анализи чыкты. Бул тууралуу ал 24.kg агенттигине билдирди.
Аида Касымалиеванын айтымында, депутаттардын анализи таза чыкты. Ал эми алар менен чогуу барган делагация мүчөлөрүнүн бирөөнүн анализа чыга элек, калгандарыныкы жакшы көрсөткүчтө.
Белгилей кетсек, парламенттик делегация өткөн жумада Германия парламентинин чакыруусу менен Берлинге барышкан .Депутаттар бүгүн кайтып келип, үй карантинине алынган.
«Анализдин жыйынтыгы боюнча коронавирус табылган жок. Кийинки анализ дагы бир жолу 10-12 күндөн кийин жасалат», — деп Facebook баракчасына билдирди.
Эске сала кетсек, Казакстанда Германиядан келген эки жаран коронавирус жуктуруп алганы аныкталды. Бугай чейин Кыргызстан коронавирус кооптуулугу жагынан үчко бөлгөн. Эки күн мурда Германия биринчи категорияга кошулду. Ал жактан келген жарандар эки апталык медициналык жайда карантинге алынат.
