12:16
USD 69.74
EUR 79.24
RUB 1.05

Кафедеги жарылуу. Экотехинспекциянын кызматкерлери жоопко тартылат

Бишкек шаардык прокуратурасы «Антошка» тез татым жайындагы жарылуу боюнча Мамлекеттик экологиялык техникалык инспекциясынын кызматкерлерине карата материалдарды Кылмыштардын жана жоруктардын бирдиктүү реестрине каттоого алды. Бул тууралуу Башкы прокуратуранын маалымат кызматынан билдиришти. 

Маалыматка ылайык, аталган жайда газ жабдуулары коопсуздук эрежелерин бузуу менен колдонулуп келген. Анда газ баллондорун тез татым жайларында колдонууга жол берилбей турганы айтылат.

«Мамлекеттик экотехникалык инспекциясынын Бишкектеги башкармалыгы аталган жайдагы өрт коопсуздук эрежелеринин бузулушун убагында алдын алган эмес», — деп айтылат маалыматта.

Эске салсак, 8-ноябрда Чүй проспектиси жана Эркиндик бульварында жайгашкан тез тамактануучу жайда жарылуу болгон. Анда 13 адам ар кандай жаракат алып, кафенин бир кызматкери каза болду.

Эң көп окулган жаңылыктар