Фейсбуктун колдонуучусу айдоочуларга караңгыда унаа башкарып бара жатканда баардык эшиктерди бекитип коюну эскертти. Бул тууралуу ал баракчасына жазды.
Айтымында, өткөн дем алышта Бишкектин Түштүк магистралындагы жол чыракта токтоп турган маалда белгисиз бирөөлөр анын унаасынын арткы эшигин ачууга аракет кылышкан.
«Артка кылчайып карасам баштарына шлем кийген 2 киши мотоцикл минип турушуптур. Алар эшик жабык экенин аңдаган соң кетип калышты. Мотоциклди аныктоочу эч кандай белгилери жок экен», — деп жазган колдонуучу.
