Москва шаарында KG Russ кайрымдуулук коомдук уюмунун бет ачары өттү.
Аталган уюмдун милдети -ар кандай оор тагдырларга тушуккан, илдетке чалдыккан жардамга муктаж Москвадагы мекендештерге колдоо көрсөтүү. Ошондой эле уюм эки элдин достук мамилесин бекемдөөгө да багытталган.
Иш-чарага кыргызстандан мейман катары Маданият, маалымат жана туризм министринин орун басары Нуржигит Кадырбеков менен төкмө акын Идирис Айтбаев чакырылган. Мындан тышкары Кыргызстандын Орусиядагы элчилигинин, Москвадагы кыргыз диаспорасынын өкүлдөрү, Миграция кызматынын Орусиядагы өкүлчүлүгү катышты. Алар жаңы ачылган уюмдун ишине ийгилик каалашты.
