18:13
USD 84.80
EUR 103.13
RUB 1.14

Жаңы конуштардын жашоочуларына эмдөө тууралуу маалымат берилет

Жаңы конуштардын жашоочуларына эмдөө тууралуу маалымат берилет. Бул тууралуу «Балдарды коргоо борбору» коомдук бирикмесинен билдиришти.

Аталган уюм ЮНИСЕФтин колдоосу менен жаңы долбоорду ишке киргизет. Анда эмдөөдөн баш тарткан ата-энелерге маалымат берүү максаты коюлган.

Билдирүүгө таянсак, айрым ата-энелер эмдөөгө карата ишеними жоктугунан, балдарын эмдөөдөн өткөрүшпөйт. «Мындай адамдардын санынын өсүшүнө эмдөө тууралуу маалыматтын жоктугу себеп болууда. Ошондой эле эмдөө тууралуу айтылган ар кандай аңыз кептер, диний ишенимдер дагы себеп», -деп билдиришти бирикмеден.

Аталган долбоор Бишкекке жакын жайгашкан «Келечек», «Дордой-1», «Мурас-Ордо», «Ак-Бата», «Ак-Жар», «Адилет» жана «Алтын-Казык» жаңы конуштарын камтыйт.

Эң көп окулган жаңылыктар