20:19
USD 69.74
EUR 79.24
RUB 1.05

Сот Садыр Жапаровдун жаза мөөнөтүн кыскартуудан баш тартты

Сот Садыр Жапаровдун жаза мөөнөтүн кыскартуудан баш тартты. Бул тууралуу анын жактоочусу Шарабидин Токтосунов билдирди.

Анын маалыматында, кечээ Аламүдүн райондук соту жактоочулардын 2014-жылык мунапысты негизинде Жогорку Кеңештин мурдакы депутаты Садыр Жапаровдун жаза мөөнөтүн кыскартуу сунушун карады.

«Мунапыс боюнча 3 жыл 4 айы кыскарат. Бирок, сот андан баш тартты. Текебаев, Чотонов, Кадыров, Асанов, Талгарбековдорго иштеген мунапыс, Садыр Жапаровко иштебей койду. Мыйзам иштегенде Садыр Жапаров шартуу түрдө боштондукка чыкмак. Тилекке каршы чыкпай калды», — дейт ал.

Садыр Жапаровду 2017-жылы Бишкек шаарынын Биринчи май райондук соту 11 жарым жылга эркинен ажыратты. Ал 2013-жылы Каракол шаарындагы «Кумтөр» кенине каршы митингде губернатор Эмилбек Каптагаевди барымтага алууну уюштургандыгы үчүн «башаламандык», «барымтага алуу» беренелери менен күнөөлүү деп табылган.

Садыр Жапаров 2017-жылдын 25-мартта кармалган. Ошол эле күнү УКМКнын алдындагы митингде анын бир тууганы жана уулу болуп 12 адам камоого алынган.

 
Эң көп окулган жаңылыктар