Сооронбай Жээнбеков кечээ Москва шаарында бир күндүк иш сапар менен болуп, Владимир Путин менен жолугушту.
Өлкө башчысынын маалымат кызматынын билдирүүсүндө, лидерлер Россия президентинин Кыргызстанга болгон мамлекеттик визитинин жыйынтыгында жетишилген макулдашууларды ишке ашыруу, анын ичинде эки өлкөдө 2020-жылды кайчылаш жыл деп жарыялоонун алкагында иш-чараларды уюштуруу жана өткөрүү боюнча пикир алмашышты.
Соода-экономикалык жана маданий-гуманитардык тармактарда эки тараптуу актуалдуу маселелер жана ошондой эле Жамааттык коопсуздук жөнүндө келишим уюмунун Кеңешинин алдыда боло турчу сессиясына даярдыктар талкууланды.
ЖККУ Саммити Бишкек шаарында 2019-жылдын 28-ноябрында өтөт.
